Leviticus 4:1 ουοϩ α `πϭοις ςαϫι νεμ μωυςης εϥϫω `μμος

Leviticus 4:2 ϫε ςαϫι νεμ νενϣηρι `μπιςραηλ εκϫω `μμος ϫε ουψυχηαςϣανερνοβι ϧεν ουμετατεμι εβολ ϧεν νιουαϩςαϩνι τηρου `ντε `πϭοις νη ετε `ςϣε ναιτου αν ουοϩ `ντεςιρι `νουαι νναι `νουϩλι εβολ νϧητου

Leviticus 4:3 εϣωπ δε πιαρχηερευς ετθαϩς `ντεϥερνοβι εθρε ουλαος ερνοβι ουοϩ εϥεινι εϩρηι `μπεϥνοβι εταϥερνοβι `μμοϥ `νουμαςι εβολ ϧεν ϩανεϩωου ϩαναταϭνι `μ`πϭοις εθβε πινοβι εταϥαιϥ

Leviticus 4:4 ουοϩ εϥεινι `μπιμαςι ϩιρεν `φρο `νϯςκυνη `ντε ϯμετμεθρε `μπεμθο `μ`πϭοις εϥεταλο `ντεϥϫιϫ εϫεν ταφε `μπιμαςι `μπεμθο `μ`πϭοις

Leviticus 4:5 ουοϩ ερε πιουηβ φη ετθαϩς φη ετε νεϥϫιϫ ϫηκ εβολ εϥεϭι εβολ ϧεν πι`ςνοϥ `μπιμαςι ουοϩ εϥεϭιτϥ εϧουν εϯςκυνη `ντε ϯμετμεθρε

Leviticus 4:6 ουοϩ ερε πιουηβ εϥεςωπ `μπεϥτηβ ϧεν πι`ςνοϥ ουοϩ εϥενουϫϧ εβολ ϧεν πι`ςνοϥ ν7 νςοπ ϧεν πεϥτηβ `μπεμθο `μ`πϭοις `μπικαταπεταςμα εθουαβ

Leviticus 4:7 ουοϩ εϥεταλο `νϫε πιουηβ εβολ ϧεν πι`ςνοϥ `ντε πιμαςι εϫεν νενταπ `ντε πιμανερϣωουϣι `ντε πιςθυνουϥι ετςαπεςητ φη ετ `μπεμθο `μ`πϭοις ετε φη πε ετϧεν ϯςκυνη `ντε ϯμετμεθρε ουοϩ πι`ςνοϥ τηρϥ `ντε πιμαςι εϥεϫοϣϥ εϫεν ϯβαςις `ντε πιμανερϣωουϣι `ντε νιϭλιλ νϫοϥϫεϥ φη ετϩιρεν νιρωου `ντε ϯςκυνη `ντε ϯμετμεθρε

Leviticus 4:8 `πιωτ τηρϥ `ντε πιμαςι `ντε `φνοβι εϥεολϥ εβολ `μμοϥ `πιωτ φη ετϩωβς ννη ετςαβολ νεμ `πιωτ τηρϥ ετχη ϩιϫεν νη ετςαϧουν

Leviticus 4:9 νεμ πιϭλωτ 2. νεμ `πιωτ ετϩιϫωου φη ετχη ϩιϫεν νιαλωϫ νεμ πιλοβος ετχη ϩιϫεν πιϩυπαρ εϥεολου νεμ νιϭλωτ ευςοπ

Leviticus 4:10 ` μ`φρηϯ ετε ϣαυωλι εβολ ϧεν πιμαςι `ντε πιϣουϣωουϣι `ντε φνοϩεμ ουοϩ εϥεενϥ `νϫε πιουηβ εϫεν πιμανερϣωουϣι `ντε πιϭλιλ ετϣηπ

Leviticus 4:11 ουοϩ `πϣαρ `ντε πιμαςι νεμ νεϥαϥουι τηρου νεμ ϯαφε νεμ νιακρωτηριον νεμ ϯνεϫι νεμ νεϥϩωιρι

Leviticus 4:12 ουοϩ ευεωλι `μπιμαςι τηρϥ εβολ ςαβολ `νϯπαρεμβολη εουμα εϥουαβ πιμα ετουναφεν ϯκερμι εβολ `μμοϥ ουοϩ ευεροκϩϥ εϩρηι εϫεν ϩανροκϩ ϧεν ουχρωμ εϩρηι εϫεν πϫωϣ εβολ `ντε ϯκερμι ευεροκϩϥ

Leviticus 4:13 εϣωπ δε `ντε ουςυναγωγη τηρς `ντε νενϣηρι `μπιςραηλ ερατεμι ουοϩ `ντε ουςαϫι ωβϣ εβολ ϩα νενβαλ `νϯςυναγωγη ουοϩ νςειρι `νουι εβολ ϧεν νιεντολη `ντε `πϭοις θη ετε `ςϣε αν εθρεςϣωπι ουοϩ ντουϣωϥτ

Leviticus 4:14 ουοϩ `ντεϥουονϩϥ ερωου `νϫε πινοβι εταυερνοβι νϧητϥ ουοϩ ερε ϯςυναγωγη εςεινι `νουμαςι εβολ ϧεν ϩανεϩωου `ναταϭνι εϩρηι εϫεν πινοβι ουοϩ εϥεενϥ εϯςκηνη `ντε ϯμετμεθρε

Leviticus 4:15 ουοϩ ερε νιπρεςβυτερος `ντε ϯςυναγωγη ευεταλε `νουϫιϫ εϩρηι εϫεν ταφε `μπιμαςι `μπεμθο `μ`πϭοις

Leviticus 4:16 ουοϩ ερε πιουηβ φη ετθαϩς εϥεινι εβολ ϧεν πι`ςνοϥ `ντε πιμαςι εϧουν εϯςκυνη `ντε ϯμετμεθρε

Leviticus 4:17 ουοϩ ερε πιουηβ εϥεςωπ `μπεϥτηβ εβολ ϧεν πι`ςνοϥ `ντε πιμαςι ουοϩ εϥενουϫϧ ν7 νςοπ `μπεμθο `μ`πϭοις νεμπεμθο `μπικαταπεταςμα εθουαβ

Leviticus 4:18 ουοϩ εϥεωλι `νϫε πιουηβ εβολ ϧεν πι`ςνοϥ εϥεϯ εϩρηι εϫεν νιταπ `ντε πιμανερϣωουϣι φη ετε `μπεμθο `μ`πϭοις φη ετχη ϧατεν ϯςκυνη `ντε ϯμετμεθρε ουοϩ πι`ςνοϥ τηρϥ εϥεϫοϣϥ ϧατεν ϯβαςις `ντε πιμανερϣωουϣι `ντε νιϭλιλ φη ετχη ϧατεν `φρο `νϯςκυνη `ντε ϯμετμεθρε

Leviticus 4:19 ουοϩ `πιωτ τηρϥ εϥεολϥ εβολ `μμοϥ ουοϩ εϥεενϥ εϩρηι εϫεν πιμανερϣωουϣι

Leviticus 4:20 ουοϩ εϥειρι `μπιμαςι κατα `φρηϯ εταϥιρι `μπιμαςι `ντε `φνοβι ευεθαμιοϥ `μπαιρηϯ ουοϩ εϥετωβϩ εϩρηι εϫωου `νϫε πιουηβ ουοϩ ευεχω νωου εβολ

Leviticus 4:21 ουοϩ ευεινι `μπιμαςι ςαβολ `νϯπαρεμβολη ουοϩ ευεροκϩ `μπιμαςι ` μ`φρηϯ εταυρωκϩ `μπιμαςι `ντε ϣορπ φα `φνοβι `ντε ουςυναγωγη πε

Leviticus 4:22 εϣωπ ουν `ντε πιαρχων ερνοβι ουοϩ `ντεϥιρι `νουι `ννιεντολη `ντε `πϭοις πεϥνουϯ θη ετε `ςϣε αν εθρεςϣωπι εϩναϥ αν πε ουοϩ `ντεϥϣωϥτ

Leviticus 4:23 ουοϩ `ντε πινοβι ουωνϩ εβολ εταϥερνοβι νϧητϥ ουοϩ εϥεινι `μπεϥδωρον εϧουν ουβαρηιτ εβολ ϧεν ϩανβαεμπι ουϩωουτ `ναταϭνι εϫεν `φνοβι

Leviticus 4:24 ουοϩ εϥεταλο `ντεϥϫιϫ εϫεν ταφε `μπιβαρηιτ ουοϩ ευεϧελϧωλϥ ϧεν πιμα εϣαυϧολϧελ `μπιϭλιλ `μμοϥ `μπεμθο `μ`πϭοις φα `φνοβι πε

Leviticus 4:25 ουοϩ ερε πιουηβ εϥεωλι εβολ ϧεν πι`ςνοϥ `ντε φα `φνοβι `μπεϥτηβ ουοϩ εϥεταλο εϩρηι εϫεν νιταπ `ντε πιμανερϣωουϣι `ντε νιϭλιλ ουοϩ πεϥ`ςνοϥ τηρϥ εϥεϫοϣϥ ϧα ϯβαςις `ντε πιμανερϣωουϣι `ντε πιϭλιλ

Leviticus 4:26 ουοϩ `πιωτ τηρϥ νταϥ εϥεενϥ εϩρηι εϫεν πιμανερϣωουϣι ` μ`φρηϯ `νουωτ `ντε ουϣουϣωουϣι ννοϩεμ ουοϩ ερε πιουηβ τωβϩ εϩρηι εϫωϥ εθβε πεϥνοβι ουοϩ ευεχω ναϥ εβολ

Leviticus 4:27 εϣωπ `ντε ουψυχη μμαυατς ερνοβι εβολ ϧεν πιλαος `ντε `πκαϩι εϩνας αν ϧεν `πϫινιρι `νουι `ννιεντολη `ντε `πϭοις θη ετε `ςϣε αν εθρεςϣωπι ουοϩ `ντεςϣωϥτ

Leviticus 4:28 ουοϩ `ντε πινοβι ουωνϩ εβολ εταϥερνοβι `μμοϥ ουοϩ εϥεινι `νουβαεμπι νςϩιμι εβολ ϧεν ϩανβαεμπι εςοι `ναταϭνι εϥεενς εθβε πινοβι εταϥερνοβι `μμοϥ

Leviticus 4:29 ουοϩ εϥεταλο `ντεϥϫιϫ εϫεν ταφε `μπεϥνοβι ουοϩ εϥεϧολϧελ `νϯβαεμπι θη `ντε `φνοβι ϧεν πιμα ετουναϧολϧελ `μπιϭλιλ `μμοϥ

Leviticus 4:30 ουοϩ ερε πιουηβ εϥεωλι εβολ ϧεν πεϥ`ςνοϥ `μπεϥτηβ ουοϩ εϥεταλο εϩρηι εϫεν νιταπ `ντε πιμανερϣωουϣι `ντε πιϭλιλ ουοϩ πι`ςνοϥ τηρϥ εϥεϫοϣϥ ϧατεν ϯβαςις `ντε πιμανερϣωουϣι

Leviticus 4:31 ουοϩ `πιωτ τηρϥ εϥεολϥ ` μ`φρηϯ εταϥωλι `μπιωτ εβολ ϧεν ουϣουϣωουϣι ννοϩεμ ουοϩ ερε πιουηβ εϥεινι εϩρηι εϫεν πιμανερϣωουϣι ευςθοι νςθυνουϥι `μ`πϭοις ουοϩ ερε πιουηβ τωβϩ εϩρηι εϫωϥ ουοϩ ευεχω ναϥ εβολ

Leviticus 4:32 εϣωπ `ντεϥεν ουεςωου εϧουν νδωρον εθβε `φνοβι εϥεενς νςϩιμι `ναταϭνι

Leviticus 4:33 ουοϩ εϥεταλο `ντεϥϫιϫ εϩρηι εϫεν ταφε μφη εταϥενϥ εϩρηι εϫεν `φνοβι ουοϩ ευεϧελϧωλϥ εθβε `φνοβι ϧεν ουμα εϣαυϧολϧελ `μπιϭλιλ `μμοϥ

Leviticus 4:34 ουοϩ ερε πιουηβ εϥεωλι εβολ ϧεν πι`ςνοϥ `ντε φη εθβε `φνοβι `μπεϥτηβ ουοϩ εϥεταλο εϫεν νιταπ `ντε πιμανερϣωουϣι `ντε νιϭλιλ ουοϩ πεϥ`ςνοϥ τηρϥ εϥεϫοϣϥ ϧατεν ϯβαςις `ντε πιμανερϣωουϣι

Leviticus 4:35 ουοϩ πεϥωτ τηρϥ εϥεολϥ ` μ`φρηϯ ετε ϣαυωλι `νουωτ εβολ ϧεν ουεςωου `ντε ουϣουϣωουϣι ννοϩεμ ουοϩ ερε πιουηβ εϥεταλο εϩρηι εϫεν πιμανερϣωουϣι εϫεν νιϭλιλ `ντε `πϭοις ουοϩ εϥετωβϩ εϩρηι εϫωϥ `νϫε πιουηβ εθβε πινοβι εταϥερνοβι `μμοϥ ουοϩ ευεχω ναϥ εβολ